தீ

அரனும் நானும் ஒன்றே காண்க
அடைந்தவை கைபிடி மண்ணே காண்க
ஆதவன் உடுத்திய ஆடை காண்க
ஆணவம் தனக்கு உவமை காண்க

பாலினும் தூய்மை என்னில் காண்க
பாதை தெரிய ஒளியைக் காண்க
சீதை கற்பின் ஆயுதம் காண்க
சீற்றம் கொண்டால் அழிவைக் காண்க

உடம்பை இயக்கும் உயிரைக் காண்க
அதனைப் பொசுக்கும் எரியைக் காண்க
பூதம் ஐந்தில் ஒன்றைக் காண்க
புவியின் நடுவில் கொதிப்பவைக் காண்க

நீரைக் கொல்லும் என்னைக் காண்க
என்னைக் கொல்லும் நீரைக் காண்க
அடக்கி வைத்தால் உயர்வைக் காண்க
அழிக்க எடுத்தால் வீழ்ச்சி காண்க

----- தீன தயாளன்